Gustakh

Tuti ghadiyon ka andaaz accha hai,

Yeh toh pata lagta hai ki woh tuti hai,

Kash dilon ka bhi kuch aisa hai hota.

 

Woh unjaani manzil, aur raston ke ishare

Woh tera mujhse milna, uss jheel ke kinare,

Woh tasveeron ki yadein, aur dhadkano ke sahare,

Woh khoyi hui manzilein, aur raston ke ishare.

 

Najaane kahan kho gae, hum unn mulakaton me,

Woh namsamjhi aur unn unjani shararaton me,

Woh bewakoofi jo mene tujhko samjha apno me,

Woh sacchai jo thi bhi jhoothi sapno me.

 

Najane mene kyun maan liya, jab tune kabhi kuch kaha hi nahi,

Woh jo tune hamesha keh kar bhi kabhi nibhaya hi nahi,

Woh jab mene samjha ki chahat hai tu meri,

Woh thi siraf ek galti meri,

 

Najaane mene kyun socha tu saath degi mera,

Nahi tha me tera ashiq, na koi khaas tera

Nahi tha me tera Mirza, na hi Ranjha tha tera,

Par nahi tha me dhoke ke layak, jispe tune naam likha mera

Najaane tu idher chali gai, jab me ruka tha yahi

Kyun tune mujhe kabhi samjha hi nahi

Kya mila tujh uske saath? Jo mene tujhe diya nahi

Chalo, do tute dil, aur jalan hi sahi

Janta hu me, tu aaj bhi mujhe dur se dekhti hai,

Janta hun me, tu aaj bhi nazar pherti hai.

Janta hun me, tu fir mudke dekthi hai,

Janta hun me, kyunki teri maujudagi khilti hai,

Me yeh kabhi kahunga nahi,

Me kabhi peeche paltunga nahi.

Kyunki accha lagta hai,

Jab tu yuh dekthi hai, aur yaad karti hai,

 

Woh kitabon ke mehfil, aur shabdon ki baarish,

Woh jhilmilati jheel, aur chanda ki sifarish,

Woh teri muskurahat, aur hawa ki guzarish,

Woh mohabbaton ki mehfil, aur nafraton ki baarish

Gustakh hai teri narazagi, jo mujhe aaj bhi bahati hai,

Gustakh hai teri khushboo,  jo mujhe aaj bhi satati hai,

Gustakh hai teri aavaj, jo dhoon hai meri khushi ki

Gustakh hai teri dhadkan, Jo meri khushi thi.

Advertisements